39 წლის ქალი ყოფილმა ქმარმა ქვით არასრულწლოვანი შვილის თვალწინ ჩაქოლა. ციხიდან არჩვევნების წინ "ქართული ოცნების" ამნისტიის გამოსული კაცი ყოფილ მეუღლეს სახლში მიუვარდა, ჩხუბი დაუწყო, წააქცია და ქვით სცემა. ადგილობრივების თქმით, კაცი სასტიკი ანგარისწორების დროს ნარკოტიკული ნივთიერების ზემოქმედების ქვეშ იმყოფებოდა. ყოფილ მეუღლეს ქვას გამეტებით უგონო მდგომარეობაში ყოფნის დროსაც ურტყავდა.  დასახიჩრებული ქალის გადარჩენას ექიმები 8 დღე ცდილობდნენ. სახის ძვლების, ცხვირის და თავის ქალის მოტეხილობით ციკო სულიკაშვილი ინგოროყვას კლინიკაში გარადაიცვალა.

საგარეჯოში "პირველებს" უყვებიან, რომ მძიმე დანაშაულში ბრალდებულმა კაცმა ციხე არჩევნებამდე 1 კვირით ადრე დატოვა. მიშა სუხიშვილს "ოცნების" მიერ მიღებული ამნისტიის კანონი შეეხო. ცოლის სასტიკ მკვლელობაში ბრალდებული კაცი ცოლზე ძალადობის მუხლით იხდიდა სასჯელს. 3 წლიანი მსჯავრით ციხე ვადაზე ადრე, 20 ოქტომბერს დატოვა. 

ადგილობრივები მომხდარი სასტიკი დანაშაულის მოტივად შურისძიებას ასახელებენ. ამბობენ, რომ ციკო სულიკაშვილს ყოფილმა მეუღლემ ციხეში გაშვება არ აპატია. ცოლზე მოძალადემ უმძიმეს დანაშაულამდე დაზარალებულზე ძალადობა ერთხელ სცადა, თუმცა ქალმა უჩივლა და შემაკავებელი ორდერი გამოაწერინა.

ვრცლად ნახეთ სოფო ნიაურის რეპორტაჟში.