საჯარო მოხელეები ქუჩაში. "ქართული ოცნების" პოლიტიკის წინააღმდეგ აქციაზე თანამშრომლები სამთავრობო უწყებებიდან დგანან. ეს კი პირველად ხდება, როდესაც ისინი სახეს აღარ მალავენ და სახალხო პროტესტს ღიად უერთდებიან.  

ივანიშვილის გუნდის მმართველობის მე-12 წლისთავზე მმართველ პარტიას საბიუჯეტო ორგანიზაციებში მომუშავე მოქალაქეებიც უპირისპირდებიან. საჯარო მოხელეების დიდი მსვლელობა რესპუბლიკის მოედანზე დაიწყება და პარლამენტთან დასრულდება.

"ჩვენ ვემსახურებით ხალხს და ვიცავთ საქართველოს კონსტიტუციას" - ამ სლოგანის ქვეშ გაერთიანდნენ სამინისტროების, სიპებისა და აიპების თანამშრომლები. ყველა ფიქრობს, რომ ახლა აღარც გაჩუმების დროა და არც შიშის.