„თავისუფლება რეჟიმის პატიმრებს" - სპორტსმენებმა საპროტესტო მარში დაიწყეს
პირველი რესპუბლიკის მოედანზე შეკრებილმა სპორტსმენებმა საპროტესტო მარში დაიწყეს. მათ გაშლილი აქვთ ბანერი -„სპორტსმენები ძალადობის წინააღმდეგ".
აქციის მონაწილეები სკანდირებენ - „თავისუფლება რეჟიმის პატიმრებს".
სპორტსმენებს ადგილზე ევროკავშირისა და საქართველოს დროშები და სხვადასხვა დასაკრავი ინსტრუმენტებიც აქვთ მოტანილი.
აქციის მონაწილეები მსვლელობით რუსთაველის გამზირზე გადაინაცვლებენ, სადაც აქციის სხვა მონაწილეებს შეუერთდებიან.
