ფილოსოფოსი, ლევან ღამბაშიძე  თბილისის სატრანსპორტო კომპანიის გადაწყვეტილებას, ახალი წლის ღამეს მეტროსა და ავტობუსის სამუშაო საათები შეცვლასთან დაკავშირებით, პოლიტიკურს უწოდებს.

მისი თქმით, საზოგადოებრივი ტრანსპორტი ნიშნავს საზოგადოებრივს, და არა მერის ამომრჩევლის.

“ტრანსპორტი უნდა ემსახურებოდეს საზოგადოებას, მიუხედავად პარტიული კუთვნილებისა“, - წერს ფილოსოფოსი.

საზოგადოებრივი ტრანსპორტის დახურვაზე ქოცებს გადაუგდეს არგუმენტი, რომ აი, მერიის ღონისძიება არ არის და ამიტომ ტრანსპორტი უფრო ადრე დაიკეტება, ვიდრე ყველა დანარჩენ წელს. ვანეიტრალებთ:

ა) საზოგადოებრივი ტრანსპორტი ნიშნავს საზოგადოებრივს, და არა მერის ამომრჩევლის. ტრანსპორტი უნდა ემსახურებოდეს საზოგადოებას, მიუხედავად პარტიული კუთვნილებისა.

ბ) რუსთაველზე არ ტარდება მერიის ორგანიზებული ღონისძიება, თუმცა ტარდება ხალხის მიერ ორგანიზებული. ამიტომ ტრანსპორტი უნდა მუშაობდეს უფრო დიდხანს.

გ) ეგეც რომ არა, ზოგადად ახალ წელს ხალხი მიდი-მოდოს მეგობარ-ნათესავებთან, ამიტომ ტრანსპორტი უნდა მუშაობდეს უფრო დიდხანს.

ე) ქალაქის მერი არის ყველას თბილისელის მერი და არა მხოლოდ მისი ამომრჩევლის. ის უნდა ემსახურებოდეს თბილისის საზოგადოებას და არა მხოლოდ თბილისის ქოცობას. ამიტომ მისი ვალია გაახანგრძლივოს ტრანსპორტის სამუშაო საათები მაშინაც, როდესაც უშუალოდ მისი ამომრჩეველი არ არის მისი ზრუნვის ობიექტი. ტოტალიტარული სისტემა სხვა კი არაფერია. მეტროც რომ პოლიტიკურია, და სასამართლოც, და პოლიციაც, და საჯარო რეესტრიც, და მწერალთა სახლიც, და ფეიერვერკიც და ნიღბის ტარებაც….

ივანიშვილის მიმდევრები აქ როგორ აპირებთ ბედნიერების მოწყობას?", - წერ ღამბაშიძე.

ცოტა ხნის წინ, ცნობილი გახდა, რომ ახალი წლის ღამეს თბილისში მეტროსა და ავტობუსის სამუშაო საათები არ შეიცვლებოდა.

როგორც თბილისის მერიის სატრანსპორტო სამსახურში აცხადებდნენ, “ტრანსპორტის სამუშაო დროის გახანგრძლივება გათვალისწინებული არ იყო, ვინაიდან გალაკონცერტი არ იყო დაგეგმილი.“ მოგვიანებით, კი ხალხის უკმაყოფილების შემდეგ, თბილისის სატრანსპორტო კომპანიამ გადაწყვეტილება შეცვალა და ახალი წლის ღამეს მეტროსა და ავტობუსის სამუშაო საათები შეიცვალა.