ტრაგედია საბერიოში - თბილისში, რუსთაველის გამზირზე მდუმარე აქცია გაიმართა. მოქალაქეები 9 აპრილის მემორიალთან მივიდნენ და გარდაცვლილი ბავშვების მოსახსენიებლად სანთლები დაანთეს. 

დღეს ქვეყანაში გლოვის დღეა. რამდენიმე საათის წინ  დროებით ოკუპირებულ გალში  ერთი ოჯახის 5 შვილი დაკრძალეს. ხანძრის შედეგად გარდაცვლილებიდან უფროსი გოგო 8 წლის, უმცროსი  კი რვა თვის იყო. დღეს  გლოვის ნიშნად ყველა სახელმწიფო უწყების შენობაზე დროშებია დაშვებული.

ტრაგედია ოკუპირებული გალის სოფელ საბერიოში 5 იანვარს დატრიალდა. ჭოლარიების სახლში ხუთიდან ვერცერთი ბავშვის  გადარჩენა ვერ მოხერხდა.