რესტორან "ბაბილოსთან" დაკავებული ნუცა მახარაძე იზოლატორიდან საქალაქო სასამართლოში გადაიყვნეს. ახალგაზრდა ქალი იმ სასამართლომ უნდა გაასამართლოს, ვისაც გუშინ "მონას" ეძახდა.

სასამართლოში არიან გადაყვანილები ასევე "ნაციონალური მოძრაობის" 2 წევრი - პაპაშვილი და მაღრაძე და პროცესების ჩანშვნას ელოდებიან, თუმცა ჯერ გაუკრვეველია, რომელ საათზე დაიწყება დაკავებული აქტივისტების სასამართლო პროცესები. 

მახარაძის მეგობრები "პირველებთან" ინტერვიუში ყვებიან, რომ პოლიციამ სამოქალაქო აქტივისტს პროვოკაცია მოუწყო. ირკევა, რომ აქციის მონაწილეს აგინეს, როცა მომიტინგემ გომელაურის უწყების თანამშრომლებს პასუხი გასცა, მას ხელბორკილები დაადეს.

ჩვენთვის შვიდობიანად ვიყავით, პოლიცის მხრიდან იყო პროვოკაცია, აგრესიული და აგდებული დამოკიდებულება ჩვენი მისამართით, რაზეც ნუცას ჰქონდა ადეკვატური პასუხი, ჰკითხა, ასე აგდებულად რატომ გველაპარაკებითო, ეტყობა კითვხის დასმაც არ მოეწონათ. ამ დროს პოლიციამ გამოიწია ჩვენზე, ცხადი იყო, ჩვენი დაკავება უნდოდათ და მოახერხეს კიდეც ნუცას დაკავებით. ვერ გეტყვით რამდენი პოლიციელი დაგვესხა სიტყვიერად თავს, ძალით გადმოვიდნენ შეტევაზე. ნუცა შეუძლოდაც კი გახდა", - ამბობს ნუცა მეგობარი.

შეგახსენებთ, რომ გუშინ რესტორან "ბაბილოსთან", სადაც მოსამართლეების წვეულება იმართებოდა, პოლიციამ 9 ადამიანი დააკავა.

ყველა მათგანი დაკავებულია ადმინისტრაციული წესით, 166-ე და 173-ე მუხლებით გათვალისწინებული დარღვევისთვის.

დაკავებულთა შორის არიან „ერთიანობა - ნაციონალური მოძრაობის” ახალგაზრდული ორგანიზაციის წევრები ტიტე გედენიძე, შაკო მაღრაძე და ბექა პაპაშვილი.

ცნობისთვის, მოსამართლეების ჭამა-სმას გუშინ მთელი დღის განმავლობაში სამართალდამცველები იცავდნენ. ადგილზე იმყოფებოდნენ თბილისის საპატრულო პოლიციის უფროს ვაჟა სირაძე და ასევე შსს-ს მაღალჩინოსანი ლაშა სალუქვაძე და გოგა მემანშვილი. გვაინ ღამით კი რესტორანთან გამოჩნდა გდდ-ს შეფი "ხარებ, მის მოადგილე მირზა კეზევაძესთან ერთად.