ხელისუფლება გადავიდა ფიზიკური იზოლაციის ანუ დაპატიმრებების ეტაპზე. ეს არის ის ფაზა, ის მდგომარეობა, რომელსაც უკვე განსაკუთრებული რეაქცია და გამოხმაურება სჭირდება, - ამის შესახებ ჟურნალისტმა, გიორგი თარგამაძემ განაცხადა.

თარგამაძის თქმით, მედიასაშუალებების 3-საათიანი გაფიცვა არის მცდელობა, შეიქმნას გარკვეული წარმოდგენა, რას ნიშნავს ცხოვრება კრიტიკული მედიის არარსებობის პირობებში.

ხელისუფლება გადავიდა ფიზიკური იზოლაციის ანუ დაპატიმრებების ეტაპზე. ეს არის ის ფაზა, ის მდგომარეობა, რომელსაც უკვე განსაკუთრებული რეაქცია და გამოხმაურება სჭირდება, არა მარტო მედიის საერთო სოლიდარობის გამოხატვის კუთხით, არამედ საზოგადოების კიდევ უფრო დიდი ჩართულობის კუთხითაც, ამიტომ ის ფორმა, რა ფორმითაც ჩვენ გამოვხატავთ ახლა სოლიდარობას, არა მხოლოდ მზიას, მაგრამ უშაულოდ კონკრეტული მედიასაშუალების პარტნიორობასთან მიმართებაში, ეს არის მცდელობა, შევქმნათ გარკვეული წარმოდგენა, რას ნიშნავს კრიტიკული მედიის არარსებობის პირობებში, საინფორმაციო ვაკუუმის პირობებში ცხოვრება მთელი საზოგადოებისთვის, - ამბობს გიორგი თარგამაძე.

გამაყრუებელი სიჩუმის სამი საათი - ეს იყო ქართული კრიტიკული მედიის პროტესტი იმ უსამართლობის წინააღმდეგ, რომელიც დღეს ქვეყანაშია. ეს არის სოლიდარობა  და წინააღმდეგობაც მზია ამაღლობელს ციხეში გაშვების გამო. 

პროტესტის გამო მაუწყებლობა, ჯამშ, 40-მდე მედიამ შეწყვიტა. ყველა მათგანი მაყურებლის წინაშე დღეს, 17:00 საათზე ზუსტად იდენტური ფორმით წარდგა: კრიტიკული მედიის ეკრანე და გამოცემების ვებსაიტებზე შავი ფონი გაჩნდა წარწერით: "ასეთი იქნება საქართველო კრიტიკული მედიის გარეშე, თავისუფლება, სოლიდარობა მზია ამაღლობელს". 

მედიამ მოქალაქეებს უჩვენა, როგორი იქნება რეალობა კრიტიკული მედიის გარეშე და მოუწოდებს მათ, არ შეეგუონ უსამართლობას, რომლის სამიზნეც ახლა "ბათუმელების" დირექტორია, თუმცა ამისგან დაზღვეული არავინაა.