ამ წუთებში, ფილარმონიასთან ნიღბების აკრძალვას და რეჟიმის სისასტიკეს აპროტესტებენ. ადგილზე შეკრებილ აქციის მონაწილეთა ნაწილს ივანიშვილის გამოსახულებიანი ნიღბები უკეთიათ და ამ ფორმით აპროტესტებენ ოლიგარქის რეპრესიებს.

"ცეცხლი ოლიგარქიას!" - სკანდირებენ აქციის მონაწილეები. 

პროტესტის მონაწილეებს უჭირავთ საქართველოსა და ევროკავშირის დროშები. მათ დემონსტრაციულად ფოიერვერკიც ისროლეს.

აქციის მონაწილეების განმარტებით, ფილარმონიიდან მსვლელობით გაემართებიან პარლამენტთან და იქ მიმდინარე აქციას შეუერთდებიან.