შუშანა მაცაბერიძე, რომელიც 12 დღიანი პატიმრობიდან დღეს საღამო გათავისუფლდა "ტვ პირველის" პირდაპირ ეთერში იმ პოლიციელის ვინაობას ასახელებს, რომელიც მისი თქმით, მანქანაში დაემუქრა.

აქტივისტი ამბობს, რომ გიორგი კვესეიშვილმა მას უთხრა, რომ თუ "კიდევ არ მოისვენებდა, სამაგალითოდ დაისჯებოდა".

მიყუროს გიორგი კვესეიშვილმა, ამ ენერგიით, ორი გადაბმული პიკაპით შეიძლება მიხილოს რუსთაველზე და მერე ნახოს ვინ შეაშინა მისმა მუქარამ - ეუბნება რეჟიმის პოლიციელს მაცაბერიძე. 

დაკავების შემდეგ, პოლიციის მანქანაში რომ ვისხედით, მარცხნივ მჯდომი პოლიციელი გიორგი კვესეიშვილი დამემუქრა, არ ისვენებო, არც თბილისში ისვენებ, აქაც ჩამოხვედი, არც აქ ისვენებო, ამიტომ შენ ახლა სამაგალითოდ დაისჯებიო და მერეც თუ არ მოისვენებ, სამაგალითოდ დაისჯებიო. რავიცი, მიყუროს აბა გიორგი კვესეიშვილმა, რას ვიზამ. ამ ენერგიით, ორი გადაბმული პიკაპით შეიძლება მიხილოს რუსთაველზე და მერე ნახოს ვინ შეაშინა მისმა მუქარამ. იქით უნდა ეშინოდეთ ჩვენი, ჩვენ მაგათი არ გვეშინია", - განაცხადა შუშანა მაცაბერიძემ.

შუშანა მაცაბერიძე დღეს საღამოს გაათავისუფლეს 12 დღიანი ადმინისტრაციული პატიმრობიდან. მან ფოთის იზოლატორი ცოტა ხნის წინ დატოვა.  

მაცაბერიძე პოლიციამ 12 იანვარს, ბათუმში, საკონსტიტუციო სასამართლოსთან გამართულ აქციაზე დააკავა. მას პოლიციელის მოთხოვნისადმი დაუმორჩილებლობას და შეურაცხყოფას ედავებოდნენ. 14 იანვარს ოლიგარქის სასამართლომ შუშანა მაცაბერიძეს 12 დღიანი პატიმრობა შეუფარდა.