საქართველოს ახალგაზრდა იურისტთა ასოციაციის ინფორმაციით, ბოლო პერიოდში, ერთპარტიულ პარლამენტში ინიციირებული კანონპროექტების 86% დაჩქარებულად განიხილეს, მათ შორის რეპრესიული და არადემოკრატიული ცვლილებები.

საიას ცნობით, ბოლო 3 თვეში, 37 საკანონმდებლო ინიციატივიდან 20 დაჩქარებული წესით განიხილეს, 12 ინიციატივა გამარტივებული პროცედურით მიიღეს.

არალეგიტიმური პარლამენტი რეპრესიულ კანონებს დაჩქარებული წესით ამტკიცებს. "ქართული ოცნება" ფორმალური დემოკრატიის დაცვაზეც კი უარს ამბობს და გადაწყვეტილებებს სწრაფად, განხილვის გარეშე იღებს. სამართლებრივი სახელმწიფოსა და უსაფრთხოების პრინციპებს ზიანს აყენებს დაჩქარებული პროცედურების უსაფუძვლო გამოყენება, რაც კანონების ლეგიტიმაციასა და ხარისხზე აისახება", - წერია საიას მიერ გავრცელებულ განცხადებაში.