პარლამენტის ყოფილი დეპუტატის, გოკა გაბაშვილის ინფორმაციით, “ოცნების“ საგამოძიებო კომისიამ დაიბარა და 2008 წლის ომზე ჩვენების მიცემა მოსთხოვა

გაბაშვილი ამბობს, რომ “მისვლას არ აპირებს.“

“რა თქმა უნდა, ამ კლოუნებთან მისვლას და რამის ახსნას არ ვაპირებ“,- წერს ის.

"წულუკიანის "კომისიიდან" ოფიციალური დაბარების ზარი მივიღე. 29-ში გამოცხადდი და 2008 წლის ომზე ჩვენება მოგვეციო. 

ევროსაბჭოს რეზოლუცია 1633 იგულისხმება როგორც ჩანს. საქართველოს ყველაზე სერიოზული წარმატება ასამბლეაში. რეზოლუცია ჩვენი დასავლელი მეგობრების მხარდაჭერით იქნა მიღებული. რუსებმა და კომუნისტებმა მაშინ დარბაზი დატოვეს პროტესტის ნიშნად.

ეგ რუსები და ბოლშევიკები დღეს საქართველოს პარლამენტში უკანონოდ ჩასახლდნენ და "კომისია" მოაწყვეს.

რა თქმა უნდა, ამ კლოუნებთან მისვლას და რამის ახსნას არ ვაპირებ. ისედაც ყველამ იცის მათი ცირკის დირექტორის ვინაობა", - წერს ის.