თამარ კურატაშვილი, რომელიც პოლიციამ ბანერის გამო - ანწუხელიძე უკვდავია, დააკავა, ხელწერილის საფუძველზე გაათავისუფლეს.

როგორც მან დიღმის იზოლატორის დატოვების შემდეგ, „პირველებს“ უთხრა, მისი დაკავება აბსოლუტურად უკანონოდ მოხდა და მას კანონი არ დაურღვევია.

კურატაშვილის თქმით, “სისტემის თანამშრომლები“ ერთმანეთის ბრძანებებს ემორჩილებიან და იმას არ უყურებენ, რა ბანერი გიჭირავს, ან რას აპროტესტებ.

მინდოდა, მშვიდობიანად გამომეხატა ჩემი პროტესტი, ამ ბანერით, იმ ყველაფრის მიმართ, რაც ხდება პარლამენტში, როგორც ყალბდება ისტორია, თუმცა, არ მომცეს ამის საშუალება და უკანონო ბრძანების საფუძველზე დამაკავეს. ჩემ მიმართ ძალა არ გამოუყენებიათ, თუმცა ეს იყო უკანონო დაკავება, რადგან კანონი არ დამირღვევია. სისტემის თანამშრომლები ერთმანეთის ბრძანებებს ემორჩილებიან და უფლებების დაცვასთან არ გვაქვს კავშირი. ისინი შინაარსში არ შედიან, რა ბანერი გიჭირავს, ან რას აპროტესტებ, მათთვის მნიშნელოვანია, დაემორჩილო სისტემას, - განაცხადა კურატაშვილმა.