როგორ უნდა მოიქცნენ მოქალაქეები თუ პოლიცია მათ გააჩერებს და გაჩხრეკს - რჩევების შესახებ ადვოკატი თორნიკე მიგინეიშვილი სოციალურ ქსელში წერს. 

მიგინეიშვილი პოლიციის შესახებ საქართველოს კანონიდან იმ მუხლებსაც ასაჯაროებს, თუ რა დროს შეიძლება პირის გამოკითხვა (მუხლი 19), პირის იდენტიფიკაცია (მუხლი 20) და ზედაპირული შემოწმება და დათვალიერება (მუხლი 22).

"რადგან გააქტიურდა ქუჩაში მოქალაქეების (ძირითადად მამაკაცების) გაჩერება და "ჩხრეკა" :

პირველივე წამიდან გადაიღეთ ვიდეო. თქვენ ამის უფლება გაქვთ და არცერთი კანონი ამას არ გიკრძალავთ.

• მოითხოვეთ პოლიციელებს ვინაობის წარდგენა;
• მოითხოვეთ აგიხსნან გაჩერების მიზეზი და არა მიზანი;
• თქვენი იდენტიფიცირება შეიძლება მხოლოდ კონკრეტული მიზეზებით;
• თქვენი ზედაპირული დათვალიერება შეიძლება მხოლოდ კონკრეტულ შემთხვევებში;
• შეჩერების მაქსიმალური ხანგრძლივობა არის 30 წუთი;
• თქვენი ჩხრეკა აკრძალულია სასამართლოს განჩინების ან პროკურორის დადგენილების გარეშე.

მდგომარეობის გართულების შემთხვევაში დაგვიკავშირდით ადვოკატებს, რომლებიც უსასყიდლოდ ვეცდებით მაქსიმალურად მეტი ადამიანის დახმარებას," - წერს ადვოკატი.