კრემლის პროპაგანდისტი ალექსანდრ დუგინი ახალ საბჭოთა კავშირსა და მაკროსახელმწიფოს ჩამოყალიბების იდეაზე საუბრობს. 

ის სახელმწიფოთა ახალ გაერთიანებას პირობითად ევრაზიის მაკროსახელმწიფოს უწოდებს, რომელშიც მისი ხედვით, ყოფილი საბჭოთა ქვეყნები შევლენ. ქვეყნების ჩამონათვალში დუგინი აფხაზეთს და ე.წ. სამხრეთ ოსეთს ცალკე სახელმწიფოებად მოიხსენიებს.

ამასთანავე, დუგინი თავის წარმოსახვით მაკროსახელმწიფოში საქართველოსაც ეპატიჟება.

კრემლის პროპაგანდისტმა რუსეთის "ახალ ტერიტორიებად" უკრაინა, ოკუპირებილი აფხაზეთი და სამხრეთ ოსეთი მოიხსენია - ამავე დროს ახსენა საქართველო, მოლდვა, სომხეთი და აზერბაიჯანი.

"მაკროსახელმწიფოს შექმნა, რომელიც უნდა წარმოიშვას საბჭოთა კავშირისა და რუსეთის იმპერიის ტერიტორიაზე, გარდაუვალი ისტორიული პროცესია. და ეს არის ერთადერთი გზა სახელმწიფოებრიობის მშენებლობის ახალი ციკლის ყველა მონაწილისთვის სუვერენიტეტის შესანარჩუნებლად. ამ გზით შესაძლებელია არა მხოლოდ ჩვენი "ახალი" ტერიტორიების, არა მხოლოდ უკრაინის, არა მხოლოდ სამხრეთ ოსეთისა და აფხაზეთის, არამედ საქართველოს, მოლდოვას, სომხეთის და თვით აზერბაიჯანის ბედის გადაწყვეტა. ყველა ეს ხალხი იპოვის ადგილს მაკროსახელმწიფოში, რომლის კონტექსტშიც ისინი არ დაკარგავენ, არამედ მხოლოდ გააძლიერებენ თავიანთ სუვერენიტეტს.

რა თქმა უნდა, ჯერ კიდევ რთულია იმის თქმა, თუ რა თანმიმდევრობით მოხდება ამ მაკრომდგომარეობის შექმნა. მაგრამ მე ვფიქრობ, რომ რუსეთის სამხრეთ ოსეთთან და აფხაზეთთან მზარდი ინტეგრაციის კონტექსტში, ჩვენ ვალდებულნი ვართ შევთავაზოთ საქართველოს, რომელიც ბოლო დროს სულ უფრო დამოუკიდებელი ხდება გლობალისტური პოლიტიკისგან, ამ პროცესში ჩაერთოს. და ეს შეუძლებელია არ გახარებდეს", - წერს დუგინი.