ქობულეთი-ბათუმის შემოვლით ცენტრალურ საავტომობილო გზაზე ავარიის შედეგად ერთი ადამიანი დაშავდა,-ინფორმაციას "აჭარის ტელევიზია" ავრცელებს.

შემთხვევის დროს ორი მსუბუქი მანქანა ერთმანეთს შეეჯახა. დაშავებული პირი სამკურნალოდ კლინიკაში გადაიყვანეს.

შემთხვევის შედეგად საავტომობილო მოძრაობა დროებით შეიზღუდა.

მომხდარზე შინაგან საქმეთა სამინისტრომ გამოძიება დაიწყო.