იტალიაში, პარიოლის რაიონში, ბინაში ძალადობრივი შეღწევის მცდელობისას 2 პირი,  საქართველოსა და ბულგარეთის მოქალაქეები დააკავეს -  ამის შესახებ ინფორმაციას იტალიური მედია ავრცელებს. 

მედიის ცნობით, მოქალაქეებს ხელბორკილები 21 აპრილს დაადეს.  რომის პოლიციამ დამნაშავეებიდან ერთ-ერთი კორპუსში კარის სპეციალური ხელსაწყოებით გაღებისას დააკავა.

ჩხრეკა ჩატარდა დაკავებული პირების ბინაშიც, სადაც აღმოჩენილი იქნა მოპარული ნივთებით სავსე 6 ჩემოდანი, მათ შორის იყო ძვირადღირებული საათები, ოქროს სამკაულები და დიზაინერული სამოსი. მოპარული ნივთების ღირებულება 200 ათას ევროზე მეტია.