სკოლებში კოვიდინფიცირების მაჩვენებელი გაიზარდა - 73-ე სკოლა დისტანციურ სწავლებაზეა

18.04.21 14:08
სკოლებში კოვიდინფიცირების მაჩვენებელი გაიზარდა - 73-ე  სკოლა დისტანციურ სწავლებაზეა

 მიმდინარე კვირაში სკოლებში ინფიცირების მაჩვენებელი გაზრდილია. ამის შესახებ ინფორმაციას განათლების სამინისტრო ავრცელებს. 10-დან 16 აპრილის ჩათვლით მონიტორინგისა და სავალდებულო ტესტირების შედეგად მთელი ქვეყნის მასშტაბით ვირუსი მასწავლებელთა და სკოლის ადმინისტრაციის წარმომადგენელთა 0,3%-ს და მოსწავლეთა 0,1%-ს დაუდასტურდა.

მშობელთა თხოვნით, ასევე, ვირუსის დადასტურების მიზეზით, ქვეყნის მასშტაბით ამ ეტაპზე სრულ დისტანციურ სწავლებაზე 73 სკოლა და 187 ცალკეული კლასი იმყოფება. ქვეყნის მასშტაბით გაიზარდა რისკ-ჯგუფში მყოფი იმ მასწავლებლების რაოდენობა, რომელთაც დისტანციური სწავლების თხოვნით თავად მიმართეს და სკოლის მხრიდან შეღავათი გაეწიათ. ამ ეტაპზე დისტანციური სწავლების ფორმატში ქვეყნის მასშტაბით 133 პედაგოგი იმყოფება. სკოლებში ინფიცირების გამოვლენის შემთხვევებში, როგორც წესი, კვლავ წერტილოვანი შეზღუდვები ვრცელდება. განათლების სამინისტრო მოუწოდებს საზოგადოებას, ხელი შეუწყონ ბავშვებს და ზედმიწევნით დაიცვან დაწესებული ნორმები, რათა მოსწავლეებმა სემესტრი სკოლის შენობაში დაასრულონ,"- ნათქვამია სამინისტროს მიერ გავრცელებულ ინფორმაციაში.