აჭარაში კოვიდინფიცირებულთა რიცხვი ყოველდღიურად მატულობს. დღევანდელი მონაცემებით, რეგიონში დახურულია 13 სკოლა, 24 კლასი ონლაინსწავლებაზეა გადასული. დაიკეტა 6 საბავშვო ბაღი.

დღეს რეგიონში 68 ახალი შემთხვევა გამოვლინდა.  გამოჯანმრთელდა 121 პაციენტი.
აჭარის ჯანდაცვის სამინისტროს ინფორმაციით, კრიტიკულ მდგომარეობაში იმყოფება
8 პაციენტი.

რაც შეეხება აცრების მაჩვენებელს - რეგიონში სულ  3343 ადამიანია აცრილი. მათგან 2058 ფაიზერის ვაქცინით, ხოლო 1285 ასტრაზენეკათი აიცრა.