შეერთებულმა შტატებმა ვენესუელასთან დაკავშირებული რუსეთის დროშის ქვეშ მცურავი ნავთობტანკერი დააკავა. ამის შესახებ ინფორმაციას Reuters-ი ავრცელებს. 

გამოცემის ცნობით, ოპერაცია მას შემდეგ განხორციელდა, რაც ტანკერმა, რომელიც თავდაპირველად Bella-1-ის სახელით იყო ცნობილი, აშშ-ის საზღვაო "ბლოკადა" სანქცირებული ტანკერებით გადალახა და აშშ-ის სანაპირო დაცვის მცდელობებს მასზე ასვლის თაობაზე უარი უთხრა.

X-ზე გამოქვეყნებულ პოსტში აშშ-ის სამხედრო ძალების ევროპულმა სარდლობამ განაცხადა, რომ ტრამპის ადმინისტრაციამ გემი აშშ-ის სანქციების დარღვევის გამო დააკავა.

აშშ-ის იუსტიციისა და უსაფრთხოების დეპარტამენტმა, ომის დეპარტამენტთან კოორდინაციით, დღეს M/V Bella 1-ის დაკავების შესახებ განაცხადა, აშშ-ის სანქციების დარღვევის გამო. გემი ჩრდილო ატლანტიკაში დააკავეს აშშ-ის ფედერალური სასამართლოს მიერ გაცემული ორდერის საფუძველზე, USCGC Munro-ს თვალყურის დევნების შემდეგ. 

ეს დაკავება მხარს უჭერს პრეზიდენტ დონალდ ტრამპის განცხადებებს, რომლებიც მიზნად ისახავს სანქცირებული გემების დაკავებას, რომლებიც საფრთხეს უქმნიან დასავლეთ ნახევარსფეროს უსაფრთხოებას და სტაბილურობას. ოპერაცია განხორციელდა თავდაცვის დეპარტამენტის კომპონენტების მიერ ომის დეპარტამენტის მხარდაჭერით, რაც ასახავს მთელი მთავრობის მიდგომას სამშობლოს დასაცავად," - წერს აშშ-ის სამხედრო ძალების ევროპული სარდლობა.