WHO-მ ინდური ვაქცინა Covaxin გადაუდებელი გამოყენებისთვის დაამტკიცა

04.11.21 15:53
WHO-მ ინდური ვაქცინა Covaxin გადაუდებელი  გამოყენებისთვის დაამტკიცა

ჯანმრთელობის  მსოფლიო ორგანიზაციამ ინდური ბიოტექნოლოგიური კომპანია Bharat Biotech-ის, კორონავირუსის საწინააღმდეგო ვაქცინა Covaxin გადაუდებელი გამოყენებისთვის დაამტკიცა. ინფორმაციას CNN ავრცელებს.

მწარმოებელ კომპანიაში აცხადებენ, რომ მათი წარმოებული  ვაქცინა კორონავირუსის მიმართ 78%-ით ეფექტურია.

ჯანმრთელობის მსოფლიო ორგანიზაციის ექსპერტთა მრჩეველთა ჯგუფმა რეკომენდაცია გასცა, რომ ვაქცინის 2 დოზას შორის ინტერვალი 4 კვირა იყოს. ვაქცინის მიღებას 18 წლის ზემოთ მოქალაქეები შეძლებენ.

დღემდე ჯანმრთელობის მსოფლიო ორგანიზაციამ გადაუდებელი გამოყენებისთვის შემდეგი ვაქცინები დაამტკიცა - Pfizer/BioNTech, Moderna, AstraZeneca, Johnson & Johnson, Sinovac Biotech და Sinopharm. ვაქცინებს შორის არ არის რუსული Sputnik V. 

 

მსგავსი სიახლეები