უკრაინამ ომსკის ნავთობგადამამუშავებელ ქარხანას  FP-1 ტიპის მოდერნიზებული დრონებით დაარტყა - შედეგად რუსეთის უდიდესმა ნავთობგადამამუშავებელმა ქარხანამ მუშაობა შეაჩერა.

აღნიშნულ ქარხანას, რომელიც უკრაინის საზღვრიდან 2 700 კილომეტრში მდებარეობს, თავდასხმის შემდეგ ცეცხლი გაუჩნდა. ეს კიევის მიერ განხორციელებული ერთ-ერთი ყველაზე შორეული თავდასხმა იყო მთელი ომის განმავლობაში.

უკრაინის პრეზიდენტმა, ვოლოდიმირ ზელენსკიმ დარტყმას მნიშვნელოვანი წარმატება უწოდა.