ტრამპი უკრაინას პრეზიდენტის შეცვლისკენ მოუწოდებს: „დროა, ქვეყანას ახალი ლიდერი ჰყავდეს“
აშშ-ის ყოფილი პრეზიდენტი დონალდ ტრამპი უკრაინის ხელისუფლებას მწვავედ აკრიტიკებს და აცხადებს, რომ ქვეყანას ახალი პრეზიდენტი სჭირდება, რომელსაც სამშვიდობო შეთანხმების მიღწევა შეეძლება.
ტრამპმა ვოლოდიმირ ზელენსკი მოლაპარაკებების პროცესის ჩაშლასა და ომის გაჭიანურებაში დაადანაშაულა:
„მე ვთავაზობ, რომ უკრაინამ აირჩიოს ახალი ლიდერი, რომელსაც გარიგების დადება შეუძლია. რატომღაც, ზელენსკი გარიგებებზე არასდროს მიდის. დროა, უკრაინას ახალი პრეზიდენტი ჰყავდეს,“ - განაცხადა ტრამპმა.
მისი თქმით, უკრაინის პრეზიდენტს კონფლიქტის მშვიდობიანი გზით დასრულების შესაძლებლობა არაერთხელ ჰქონდა, თუმცა მან ეს შანსი არ გამოიყენა:
„ზელენსკის ამ ომის დასრულება ბევრჯერ, ძალიან ბევრჯერ შეეძლო. მან ამაზე უარი აირჩია.“
ტრამპი ასევე შეეხო რუსეთის ნავთობგადამამუშავებელ ობიექტებზე განხორციელებულ უკრაინულ იერიშებს და აღნიშნა, რომ მსგავსი ქმედებები გლობალურ ბაზარზე ფასების მერყეობას იწვევს და ამერიკელ ფერმერებს პირდაპირ აზიანებს:
„ზელენსკის სურს, პრობლემები შეუქმნას მსოფლიოს. მას სურს, პრობლემები შექმნას ჩვენი ფერმერებისთვის რუსულ ქარხნებზე დარტყმით.“
