ე.წ. ლუგანსკის სახალხო რესპუბლიკამ ოკუპირებული აფხაზეთის დამოუკიდებლობა აღიარა. ბრძანებას „ლუგანსკის სახალხო რესპუბლიკის“ დე ფაქტო ლიდერმა, ლეონიდ პასეჩნიკმა, მოაწერა ხელი. მისივე თქმით, მათ ოკუპირებულ აფხაზეთთან დიდი ხნის და მჭიდრო მეგობრობა აკავშირებთ. 

„ვადგენ: აღიარებულ იქნას აფხაზეთის რესპუბლიკა სუვერენულ და დამოუკიდებელ სახელმწიფოდ. ლუგანსკის სახალხო რესპუბლიკის საგარეო საქმეთა სამინისტრომ ჩაატაროს მოლაპარაკებები აფხაზურ მხარესთან დიპლომატიური კავშირების დასადგენად“, -ნათქვამია თვითგამოცხადებული ლუგანსკის დე ფაქტო ლიდერის ე.წ. დადგენილებაში.