ხერსონთან, დაბა ბერეზიოვკაში, მოსახლეობამ რუსი ოკუპანტების წინააღმდეგ მშვიდობიანი აქცია მოაწყო. "უკრაინა უმთავრესია!", " რუსი ჯარისკაცი - ფაშისტი ოკუპანტია!,  " დიდება უკრაინას - დიდება გმირებს"! სკანდირებდა ქუჩაში გამოსული ასობით ადამიანი, რომელსაც ხელში უკრაინის დროშები ეჭირა. 

ხალხი რუს სამხედროებთანაც მივიდა, რომლებსაც უკრაინის ჰიმნი უმღერა და სახლში წასვლისკენ მოუწოდა. 

ერთ-ერთი თვითმხილველის ინფორმაციით, რომელიც ვიდეოგადაღებას აწარმოებდა, ოკუპანტები აქციის მონაწილეების შეჩერებას შეეცადნენ და რამდენჯერმე ჰაერშიც გაისროლეს.