უკრაინაში  რუსული აგრესიის შედეგად დაიღუპა 115 ბავშვი და დაშავდა 148-ზე მეტი. ამის შესახებ ინფორმაციას უკრაინის გენერალურ პროკურატურა ავრცელებს.

2022 წლის 21 მარტის დილის მდგომარეობით, რუსეთის ფედერაციის შეიარაღებული აგრესიის შედეგად დაღუპულთა ოფიციალური რაოდენობა არ შეცვლილა - 115 ბავშვი, თუმცა დაშავებულთა რიცხვი 148-მდე გაიზარდა - ნათქვამია პროკურარტურის განცხადებაში.

ქალაქების მიხედვით დაღუპულ ბავშვთა რაოდენობა:

ხარკოვი - 38;
დონეცკი - 29;
ჩერნიგოვი - 31;
ნიკოლაივი - 22;
ჟიტომირი - 15;
ხერსონი - 15;
სუმი - 14.

შეგახსენებთ, რომ 2022 წლის 19 მარტს რუსმა ოკუპანტებმა ბომბები ჩამოაგდეს მარიუპოლის მარცხენა სანაპიროს რაიონში მდებარე ხელოვნების სკოლაში.

მარიუპოლის 400-მდე მცხოვრები - ქალები, ბავშვები და მოხუცები - იქ იმალებოდნენ.

შენობა დანგრეულია, ხალხი ნანგრევების ქვეშ იმყოფებოდა, მაგრამ მსხვერპლისა და დაღუპულების შესახებ ინფორმაცია არ ვრცელდება - აცხადებენ გენერალურ პროკურატურაში.

იმავე დღეს მტერმა ნიკოლაევს ტორნადოს სადგურიდან ცეცხლი გაუხსნა, რის გამოც მამაკაცი და მისი 8 წლის შვილი დაიჭრნენ.

დაბომბვების შედეგად ამ დრომდე დაზიანდა 530 სასწავლო დაწესებულება, აქედან 72 მთლიანად განადგურდა.

უმეტესობა დონეცკის, ხარკოვის, მიკოლაივის, სუმის, კიევის, ხერსონის, ჩერნიგოვის რეგიონებსა და კიევში.

გარდა ამისა, ოკუპანტებმა დააზიანეს 40-ზე მეტი ბავშვთა დაწესებულება, მათ შორის სამედიცინო დაწესებულებები, ხელოვნების სკოლები, სპორტული დაწესებულებები და ბიბლიოთეკები.

ეს მონაცემები არ არის საბოლოო, რადგან არ არსებობს დაბომბვის ადგილების შემოწმების მექანიზმი აქტიური საომარი მოქმედებების ზონებსა და დროებით ოკუპირებულ ტერიტორიებზე - აცხადებენ პროკურატურაში.