დნეპროპეტროვსკის ოლქში ჩაპლინოს რკინიგზის სადგურზე თავდასხმის შედეგად დაღუპულთა რიცხვი 25-მდე გაიზარდა, მათ შორის ორი ბავშვია. 

ჯამში ჩაპლინოს დასახლებისა და რკინიგზის სადგურის მიმართულებით რუსეთმა 5 სარაკეტო დარტყმა განახორციელა.

"ჩაპლინო ჩვენი დღევანდელი ტკივილია. ამ დროისთვის 25 დაღუპულია, მათგან ხუთი ადამიანი მანქანაში დაიწვა, დაიღუპა 11 წლის მოზარდი, რუსულმა რაკეტამ მისი სახლი გაანადგურა", - თქვა უკრაინის პრეზიდენტმა, ვოლოდიმირ ზელენსკიმ.

დნეპროპეტროვსკის რეგიონალური სახელმწიფო ადმინისტრაციის ხელმძღვანელის ვალენტინ რეზნიჩენკოს თქმით, ღამე რეგიონში უკიდურესად რთული იყო მუდმივი თავდასხმებითა და მსხვერპლით. ოკუპანტებმა დაბომბეს 4 რაიონი - სინელნიკოვსკი, ნიკოპოლი, კრივოროჟსკი და დნეპროვსკი. 

"სიმხეცე" - ასე გამოეხმაურაა  ჩაპლინოს რკინიგზის სადგურის დაბომბვას ენტონი ბლინკენი. 

"რუსული სარაკეტო თავდასხმა უკრანაში ხალხით სავსე სადგურზე სიმხეცეა. გავაგრძელებთ პარტნიორებთან უკრაინის მხარდაჭერას და რუსეთის ოფიციალური პირებისთვის პასუხისმგებლობის დაკისრებას“ - წერს ტვიტერზე  აშშ-ის სახემწიფო მდივანი.

"ჩაპლინოზე რუსეთის თავდასხმას უკრაინა ორ დღეში უპასუხებს" - ამის შესახებ არესტოვიჩმა განაცხადა.

„მაქსიმუმ ერთი-ორი დღე, თუა საჭირო, იმისთვის რომ მოვემზადოთ საპასუხოდ. დაზვერვა უკვე მუშაობს". - ამბობს არესტოვიჩი.