გამოცემა Washington Post-ის  ინფორმაციით, 7 ნოემბერს აშშ-ის პრეზიდენტი დონალდ ტრამპი ვლადიმირ პუტინს ტელეფონით ესაუბრა. 

გამოცემის ცნობით, ტრამპმა პუტინს უკრაინაში ომის ესკალაციისგან თავის შეკავება ურჩია და ევროპაში ამერიკული სამხედრო განლაგებების შესახებ შეახსენა.

Washington Post-ის ინფორმაციით, ტრამპმა პუტინს ფლორიდის რეზიდენციიდან დაურეკა.  ტრამპის საარჩევნო შტაბში ამბობენ, რომ კერძო სატელეფონო საუბრების შესახებ კომენტარს არ აკეთებენ.

კომუნიკაციის შესახებ კრემლს ამ ეტაპზე არანაირი ინფორმაცია არ გაუვრცელებია.

რაც შეეხება უკრაინის პოზიციას - ქვეყნის საგარეო საქმეთა სამინისტროში უარყოფენ გავრცელებულ ინფორმაციას, რომ კიევი წინასწარ იყო ინფორმირებული ამერიკის შეერთებული შტატების არჩეულ პრეზიდენტს, დონალდ ტრამპსა და რუსეთის პრეზიდენტ ვლადიმირ პუტინს შორის დაგეგმილი სატელეფონო საუბრის შესახებ.