ამერიკის შეერთებულმა შტატებმა ქაბულში ის ავტომობილი ააფეთქა, რომლითაც ექსტრემისტული გაერთიანება "ისლამური სახელმწიფოს" მეომრები გადაადგილდებოდნენ. 

აშშ-ის უპილოტო საფრენმა აპარატმა ქაბულის აეროპორტთან „ისლამური სახელმწიფოს“ სავარაუდო თვთითმკვლელი ტერორისტის ავტომობილი დაბომბა.

 „ბიბისი“ აშშ-ის ხელისუფლებაზე დაყრდნობით წერს, რომ  ავტომობილში მყოფი მამაკაცი ქაბულის აეროპორტში აფეთქებას გეგმავდა.

აშშ-ის თავდაცვის სამინისტროში აცხადებენ, რომ ავიაიერიშის შემდეგ მომხდარი კიდევ ერთი აფეთქება ავტომობილში დიდი რაოდენობით ასაფეთქებელი საშუალებების არსებობას ადასტურებს.

აშშ-ის ხელისუფლების ინფორმაციით, წარმატებულმა ავიაიერიშმა გარდაუვალი საფრთხე აღმოფხვრა.