კახა კალაძე თავს არიდებს კითხვაზე პასუხს, ჰქონდა თუ არა ინფორმაცია დაკავებული რომეო მიქაუტაძის უკანონო საქმიანობის შესახებ მაშინ, როდესაც "ოცნების" ექს მაღალჩინოსანი "თბილსერვისში" მუშაობდა, ეს უწყება კი კალაძის დაქვემდებარებაში იყო.

• ექს-მაღალჩინოსანს უკანონო სამერწამეო საქმიანობისთვის ბრალი დაუმძიმეს. საგამოძიებო უწყება ამტკიცებს, რომ თბილსერვისში მუშაობის პარალელურად ის სამეწარმეო საქმიანობას უკანონოდ ეწეოდა და 8 მილიონზე მეტი მიითვისა.

კალაძემ ასევე არ უპასუხა "პირველების" კითხვას - "როგორ იპარავდა მიქაუტაძე ამხელა თანხას ისე, რომ "ოცნებაში" არავინ იცოდა".

ამაზე შესაბამისი უწყებები მუშაობენ. მე ვიმყოფები ახლა საარჩევნო კამპანიის რეჟიმში. თბილისთან დაკავშირებით თუ გაქვთ რაიმე შეკითხვა, შეგიძლიათ დამისვათ", - განაცხადა კალაძემ.  

 რომეო მიქაუტაძეს 9 ბრალი აქვს წარდგენილი. სახელმწიფო ბრალდება ამბობს, რომ მიქაუტაძეს ახლა არა  3 მილიონის, არამედ 8 მილიონ 400 ათასის  უკანონო ლეგალიზაციას ედავებიან. 

ეკონომიკის მინისტრის ყოფილი მოადგილე, რომეო მიქაუტაძე კორუფციის ბრალდებით 20 ივნისს დააკავეს.