თბილისის მერობის კანდიდატმა "ქართული ოცნებიდან", კახა კალაძემ ამომრჩეველთა ხმების 71.557% მიიღო - ასეთია ცესკოს წინასწარი მონაცემები.

ოფიციალური ინფორმაციით, ამ დროისთვის დედაქალაქში დათვლილი 584 უბიდან 572-ის შედეგები ცნობილია.

ცესკოს ინფორმაციით, 12.459%-იანი მხარდაჭერა მიიღო პარტია "ლელო - ძლიერი საქართველოსა" და "გახარია საქართველოსთვის" თბილისის მერობის კანდიდატმა, ირაკლი კუპრაძემ.

"გირჩი - მეტი თავისუფლების" კანდიდატმა, იაგო ხვიჩიამ ამომრჩეველთა ხმების 7.528% მიიღო, "კონსერვატორები საქართველოსთვის" კანდიდატმა, ზურაბ მახარაძემ კი - 4.121%.

ამასთან, ცესკოს წინასწარი მონაცემებით, 4 ოქტომბრის ადგილობრივ არჩევნებში საქართველოს მასშტაბით ქართულმა ოცნებამ ხმების 80.786% მოიპოვა.

ცენტრალური საარჩევნო კომისიის წინასწარი შედეგებით, ძლიერი საქართველო - ლელომ ხმების 6.782% მოიპოვა.  გირჩმა ხმების 3.303% მიიღო,  პარტიამ გახარია საქართველოსთვის ხმების 3.86% მიიღო, კონსერვატორები საქართველოსთვის კი - 2.768%. 

ცესკოს ინფორმაციით, ხმების 99.486% არის დათვლილი.