ეს არის ივანიშვილის პერსონალური ვენდეტა გიორგი გახარიას მისამართით, რომელიც ჰქონდა დაანონსებული, - ამის შესახებ პარტია "გახარია საქართველოსთვის" ლიდერის, გიორგი გახარიას ადვოკატმა, ბერდია სიჭინავამ სასამართლო სხდომის დასრულების შემდეგ ჟურნალისტებს განუცხადა.

მისი თქმით, განსაკუთრებული მოლოდინი, რომ განსხვავებული გადაწყვეტილება იქნებოდა, არ ჰქონია.

ეს არის თეატრი, სადაც როლები პირდაპირ იყო განაწილებული და გადაწყვეტილებაც წინასწარ იყო დაწერილი, -თქვა მან.

განსაკუთრებულად განსხვავებული მოლოდინი არ გვქონდა, სრული სამართლებრივი სიგიჟეა, რასაც ბოლო დღეების განმავლობაში ვადევნებთ თვალს, სამართლებრივადაც აბსურდია და სიგიჟეცაა. თქვენ ნახეთ, რომ არანაირი არგუმენტი პროკურატურას, მათ შორის, ფაქტობრივი საფუძვლები აღკვეთის ღონისძიების გამოყენების ჰქონდა იმიტომ, რომ დანაშაული არ არის ჩადენილი.

საერთოდ სიგიჟეა, მათ შორის, ჩორჩანას საქმეზე სამსახურებრივი უფლებამოსილების გადამეტებით ქართული მიწის დაცვისთვის ბრალდება და 20 ივნისს თითქოს ორგანიზება გაუწია ადამიანების ჯანმრთელობის განზრახ მძიმე დაზიანებას, ოღონდ დანაშაულის აღმსრულებელი დადგენილი არაა, მათ შორის, ბრალის დადგენილებაში უწერიათ, რომ გიორგი გახარიას, ფაქტობრივად, არ გაუცია რეზინის ტყვიების გამოყენების ბრძანება, მაგრამ ადამიანებმა რეზინის ტყვიების გამოყენების შედეგად მიიღეს დაზიანება და ამის ორგანიზება გააკეთა თურმე გიორგი გახარიამ.

რა თქმა უნდა, ეს არის თავიდან ბოლომდე შეთითხნილი საქმე, ეს არის პოლიტიკური მდგენელი, ეს არის ივანიშვილის პერსონალური ვენდეტა გიორგი გახარიას მისამართით, რომელიც ჰქონდა დაანონსებული.

განსაკუთრებული მოლოდინი, რომ განსხვავებული გადაწყვეტილება იქნებოდა, არ მქონდა, ეს არის თეატრი, სადაც როლები პირდაპირ იყო განაწილებული და გადაწყვეტილებაც წინასწარ იყო დაწერილი ამ საქმესთან დაკავშირებით", - განაცხადა ბერდია სიჭინავამ.

• 20 ივნისის საქმეზე სასამართლომ გიორგი გახარია წინასწარ პატიმრობაში დაუსწრებლად გაუშვა.
• მანამადე რამდენიმე საათით ადრე იყო პირველი პატიმრობა ჩორჩანას საგუშაგოს საქმეზე. 
• გუშინ საქართველოს მთავარმა პროკურატურამ ექს-პრემიერ გიორგი გახარიას წინააღმდეგ სისხლის სამართლებრივი დევნა დაიწყო. საქმე 20 ივნისს და "ჩარჩანას" ეპიზოდს ეხება. 
• გუშინვე გაირკვა, რომ "ქართული ოცნების" ექს-პრემიერის წარდგენილ საქმეში ნანა კაკაბაძის, ვახტანგ შაქარაშვილის, კახი კახიშვილის და ვახტანგ გომელაურის ჩვენებები დევს.