"ქართული ოცნების" პრემიერ-მინისტრმა, ირაკლი კობახიძემ "პირველების" არაერთი ჩაკითხვის შემდეგ დაადასტურა, რომ BBC-ის ინვენტარიზაციის სიაში დასახელებული კოდებით: UN 3439  და UN 1710 ნივთიერებები შსს აქვს. 

კობახიძე ხაზგასმით ამბობს, რომ მხოლოდ იმას, რომ შსს-ს "კამიტი" არასდროს შეუძენია, თუმცა არ იცის კონკრეტულად რა ნივთიერებები შეიძინა შინაგან საქმეთა სამინისტრომ 17 წლის წინ.

• ირკვევა, რომ ახლა არკვევენ, რა ნივთიერება იქნა გამოყენებული 2024 წლის ნოემბერ-დეკემბრის აქციებისას. 

კობახიძის თქმით, გაეროს UN3439 ქოლგა კოდის ქვეშ არის როგორც აკრძალული, ისე არ აკრძალული ნივთიერებები. 

• „იქ არის ათეულობით ნივთიერება, რომელთაგან ძალიან დიდი ნაწილი არ არის აკრძალული“, - ამტკიცებს კობახიძე.

ეს ყველაფერი არ არის, კობახიძემ არ იცის, კონკრეტულად რომელმა უწყებამ [შს ს-მ თუ სუს-მა] და სად ჩატარდა ლაბორატორიული კვლევა, რომელმაც დაადასტურა, რომ დემონსტრანტების წინააღმდეგ "კამიტი" არ გამოუყენებიათ.

ირაკლი კობახიძე: "ამ კოდის ქვეშ არის "კამიტი", რომელიც არის აკრძალული. იქ არის ათეულობით ნივთიერება, რომელთაგან ძალიან დიდი ნაწილი არ არის აკრზალული". 

• TV პირველი: ანუ, სხვა ნივთიერებები შეიძლება იყოს გამოყენებული?! 

ირაკლი კობახიძე: "რა თქმა უნდა, არააკრძალული ნივთიერებები. კოდი აქ საერთოდ არაფერს იძლევა." BBC-იმ ამ დროს რა გააკეთა? - მიუთითა კოდზე და შემდეგ თქვა ტყუილი, რომ ამ კოდის ქვეშ არსებული ერთ-ერთი ნივთიერება იყო გამოყენებული, რაც უხეში ტყუილი იყო. 

• TV პირველი: ნივთიერებები, რომელიც ამ კოდის ქვეშ არის, ის იყო შესყიდული სახელმწიფოს მიერ?

ირაკლი კობახიძე: "იმ კოდის ქვეშ იყო, რა თქმა უნდა. იქ არის როგორც აკრძალული, ისე არააკრძალული [ნივთიერება]. შეზყიდვას ექვემდებარებოდა არააკრძალული ნივთიერება. დანარჩენს, სრულ ინფორმაციას წარმოგიდგენთ გამოძიება". 

• TV პირველი: შეგიძლიათ, გვითხრათ როდის გამოიყენეთ? იყო თუ არა ამ კოდის ქვეშ ნივთიერებები გამოყენებული 2024 წლის აქციების დროს?

ირაკლი კობახიძე: "იქნებოდა გამოყენებული რა თქმა უნდა. კიდევ ერთხელ გავიმეორებ, კოდი არაფერს იძლევა. კოდის ქვეშ არის ათეულობით ნივთიერება". 

• TV პირველი: ფხვნილის ანალიზი არ კეთდება, ან არ არის, ვიდრე მას გამოუყენებთ?

ირაკლი კობახიძე: "უნდა გაკეთდეს რა თქმა უნდა".

• TV პირველი:  3439 კოდის ქვეშ? 

ირაკლი კობახიძე: "მაგ კოდის ქვეშ არის, "კამიტიც" არის ამ კოდის ქვეშ. უკვე შეიძლება ითქვას, რომ "კამიტს" არ შეიცავდა ეს ფხვნილი, დანარჩენი, დეტალური ანალიზი წარედგინება საზოგადოებას. ერთია - ერთი ნივთიერების დადგენა და მაგას ადგენს გამოძიება რაიმე აკრძალულს შეიცავდა თუ არა...

ვანო მერაბიშვილმა შეიძინა თუ არა რაიმე აკრძალული, ამას დაადგენს გამოძიება და საზოგადოებას ეცნობება მოგვიანებით."

• TV პირველი:  ვანო მერაბიშვილმა თუ შეიძინა, თქვენ უნდა გცოდნოდათ ამ დრომდე და უნდა გაგენადგურებინათ თუკი იყო აკრძალული ნივთიერება! 

ირაკლი კობახიძე: "ანალიზი დაადგენს ეს ფხვნილი შეიცავდა თუ არა აკრძალულ ნივთიერებას". 

• TV პირველი: ხომ უნდა დაგედგინათ, რა არის საწყობში, რა ნივთიერებები გაქვთ დასაწყობებული? - ამას ხომ საერთაშორისო ხელშეკრულებები გავალდებულებთ. 

ირაკლი კობახიძე: "ყველაფერს დადგენს გამოძიება, შინაგან საქმეთა სამინისტროს ექნებოდა ინფორმაცია, რომ აკრძალულ ნივთიერებებს არ შეიცავდა ეს ფხვნილი, თუმცა ყველაფერს კიდევ ერთხელ გადახედავს გამოძიება".