დაელოდეთ, მხოლოდ ნაწილია, დანარჩენიც გამოქვეყნდება - კობახიძე სუს-ის აუდიოფაილებზე
ირაკლი კობახიძის თქმით, სუს-ის მიერ გავრცელებული აუდიოფაილები "შეთქმულების ფაქტზე" გამოძიების მხოლოდ ნაწილია.
ქართული ოცნების თავმჯდომარემ მედიასთან დაანონსა, რომ დანარჩენი მასალებიც გამოქვეყნდება.
ეს ჩანაწერი არის მხოლოდ ერთ-ერთი მტკიცებულება ამ საქმეში, დაელოდეთ, დაელოდეთ, დაელოდეთ... მოსმენა ოფიციალური ორდერის საფუძველზე მიმინარეობდა, ნაწილი უკვე გამოქვეყნდა, დანარჩენიც გამოქვეყნდება, ეს მხოლოდ ერთი ნაწილია", - განაცხადა მან.
სახელმწიფო უსაფრთხოების სამსახურმა "სახელმწიფო ხელისუფლების დამხობის მიზნით შეთქმულების ფაქტზე" გამოძიება დაიწყო.
სუს-მა აუდიოფაილებიც გაავრცელა, რომელიც მათი მტკიცებით, მიხეილ სააკაშვილის საპრეზიდენტო ბიბლიოთეკაშია ჩაწერილი. ლილუაშვილის უწყება ირწმუნება, რომ ენმ-ს წევრები "დესტრუქციულ ქმედებებზე" საუბრობენ.
