საზღვაო ტრანსპორტის სააგენტო რუსული პროპაგანდისტული საინფორმაციო საშუალებების მიერ გავრცელებულ ინფორმაციას პასუხობს, რომლის მიხედცითაც "7 იანვარს აშშ-ის მიერ ატლანტის ოკეანეში დაკავებული ტანკერის „Marinera“ ეკიპაჟის შემადგენლობაში საქართველოს 6 მოქალაქე იმყოფებოდა, რომელთაგან ერთ-ერთი, გავრცელებული ინფორმაციით, გემის კაპიტანია". 

საზღვაო ტრანსპორტის სააგენტო წერს, რომ ისინი ფაქტობრივი გარემოებების დაზუსტებას ახორციელებენ: 

ღია წყაროების მიხედვით, 2026 წლის 7 იანვარს აშშ-ის მიერ ატლანტის ოკეანეში დაკავებული ტანკერის „Marinera“ ეკიპაჟის შემადგენლობაში იმყოფება 28 მეზღვაური, მათ შორის 6 – საქართველოს მოქალაქე, რომელთაგან ერთ-ერთი, გავრცელებული ინფორმაციით, გემის კაპიტანია. ასევე, ეკიპაჟში  არიან 20 უკრაინის და 2 რუსეთის ფედერაციის მოქალაქე.

არსებული ინფორმაციით, აღნიშნული ტანკერი დაკავებული იქნა აშშ-ის მიერ ვენესუელაზე დაწესებული საერთაშორისო სანქციების შესაძლო დარღვევის ბრალდებით.

სსიპ საზღვაო ტრანსპორტის სააგენტო ამჟამად ახორციელებს ფაქტობრივი გარემოებების დაზუსტებას, მათ შორის, გემის დამსაქმებელი კომპანიის იდენტიფიცირებას და ეკიპაჟის ქართველი წევრების შესახებ ინფორმაციის მოძიებას.