"ქართულ ოცნებას" ახალმიღებულ საარჩევნო კანონმდებლობაში ცვლილებები შეაქვს, რომელიც საერთაშორისო საარჩევნო დამკვირვებლებს ეხება.

ინიცირებული ცვლილებების მიხედვით, "საარჩევნო კოდექსში" ჩაიწერება, რომ საერთაშორისო დამკვირვებელი შეიძლება იყოს მხოლოდ უცხო ქვეყნის მოქალაქე - 18 წლის ასაკიდან. პროექტით ასევე განისაზღვრება საერთაშორისო დამკვირვებლების თანმხლები თარჯიმნის რეგისტრაციის პროცედურები.

ასევე, "ოცნების" ცვლილებების თანახმად, საარჩევნო კომისიის სხდომაზე პირის მიერ სხდომის ფოტო-ვიდეოგადაღებისა და აუდიო-მონიტორინგის წესი ცესკოს დადგენილებით განისაზღვრება.

"საარჩევნო კოდექსში" შესატანი ცვლილებების ინიციატორები იურიდიულ საკითხთა კომიტეტის წევრი დეპუტატები არიან.