მერიამ დაადასტურა რომ კალაძე აბუ-დაბიში “ჩარჩა”
თბილისის მერიაში ადასტურებენ, რომ დედაქალაქის მერი კახა კალაძე ნამდვილად აბუ დაბიში იმყოფებოდა და ჯერ გამოფრენას ვერ ახერხებს.
მერიის კომენტარს საზოგადოებრივი მაუწყებელი ავრცელებს.
„თბილისის მერი შაბათ-კვირას იმყოფებოდა აბუ დაბიში. შექმნილი მდგომარეობიდან გამომდინარე, ჯერჯერობით გამოფრენას ვერ ახერხებს“, – ამბობენ მერიაში.
გუშინ, 1 მარტს მედიასაშუალებებში გავრცელდა ინფორმაცია, რომ დაბადების დღის აღსანიშნად წასული კახა კალაძე ცოლთან და თანმხლებ პირებთან ერთად, დუბაიში „ჩარჩა", რადგან აშშ-ისრაელის თავდასხმაზე ირანის საპასუხო იერიშების გამო, ავიარეისები გაუქმდა.
