"მართლმსაჯულებაზე თავლაფის დასხმა" - ასე აფასებს “თავისუფალი საქართველოს” ლიდერი ელენე ხოშტარიასთვის გამოტანილ განაჩენს.

"მხედრიონის დროს არ იღებდა სასამართლო ასეთ გადაწყვეტილებებს" - წერს კახა კუკავა.

"მიუხედავად ელენე ხოშტარიას, მის პიროვნების და პოლიტიკური საქმიანობის მიმართ მკვეთრად უარყოფითი დამოკიდებულებისა, ეს სასამართლო გადაწყვეტილება არის მართლმსაჯულებაზე თავლაფის დასხმა, მხედრიონის დროს არ იღებდა სასამართლო ასეთ გადაწყვეტილებებს" - წერს პოლიტიკოსი. 

„დროას” ლიდერის, ელენე ხოშტარიას საქმეზე განაჩენი გამოცხადდა - მოსამართლე გიორგი არევაძემ ოპოზიციონერ პოლიტიკოსს კახა კალაძის ბანერის დაზიანების საქმეზე 1 წლითა და 6 თვის ვადით პატიმრობა მიუსაჯა.

პატიმრობის ვადის ათვლა დაიწყო გასული წლის 15 სექტემბრიდან, შესაბამისად, ხოშტარიას საპატიმრო დაახლოებით ერთ წელში ამოეწურება.