გეკა გელაძე ლევან იოსელიანს შეხვდა - რა საკითხები განიხილეს
სუს-ის უფროსი, გეკა გელაძე სახალხო დამცველს, ლევან იოსელიანს შეხვდა.
ინფორმაციას სახელმწიფო უსაფრთხოების სამსახური ავრცელებს.
სუს-ის ცნობით, შეხვედრაზე ლევან იოსელიანმა სახალხო დამცველის ინსტიტუტის საქმიანობის ძირითად მიმართულებებზე გაამახვილა ყურადღება და პარტნიორობის კიდევ უფრო მეტად გაღრმავების მზაობა გამოთქვა.
"შეხვედრაზე განიხილეს ადამიანის უფლებებისა და უსაფრთხოების საკითხები; საუბარი შეეხო საქართველოს ოკუპირებულ ტერიტორიებსა და საოკუპაციო ხაზის გასწვრივ არსებულ ვითარებას.
გეკა გელაძემ ხაზგასმით აღნიშნა, რომ ადამიანის უფლებების დაცვის სტანდარტის კიდევ უფრო გაუმჯობესების მიზნით, მნიშვნელოვანია ორ ინსტიტუციას შორის თანამშრომლობის გაღრმავება. მისი თქმით, ადამიანის უფლებებისა და მათი უსაფრთხოების დაცვა სახელმწიფო უსაფრთხოების სამსახურისთვის პრიორიტეტულ საკითხს წარმოადგენს, - წერია სუს-ის განცხადებაში.
