სალომე ზურაბიშვილი ამბობს, რომ დიუშენით დაავადებული ბავშვების დასახმარებლად ამ კვირაში EU-ს წარმომადგენელს შეხვდება
საქართველოს მეხუთე პრეზიდენტი, სალომე ზურაბიშვილი ამბობს, რომ დიუშენით დაავადებული ბავშვების დასახმარებლად ამ კვირაში EU-ს წარმომადგენელს შეხვდება - "მისგან მოვითხოვ პასუხს, თუ რა შეიძლება გაკეთდეს".
ზურაბიშვილმა გუშინ ფბ-ლაივში მისი გადაწყვეტილების ერთ-ერთი მიზეზიც განმარტა- "შეიძლება ხელისუფლებას შერცხვეს, რომ ჩვენ უცხოელებს მივმართავთ და ჩვენ პარტნიორებისგან ველოდებით დახმარებას"
მე ამ კვირაში უნდა შევხვდე ევროკავშირის წარმომადგენელს და მისგან მოვითხოვ პასუხს, თუ რა შეიძლება გაკეთდეს ამ კუთხით [დიუშენის კუნთოვანი დისტროფიის მქონე ბავშვისთვის აუცილებელი წამლების შემოტანასთან დაკავშირებით].
იმედი მაქვს, რომ ეს ერთის მხრივ რაღაც შედეგს გამოიღებს და იმ პროგრამებიდან, რომელცი აქამდე არსებობდა საქართველოსთვის ევროკავშირის ფარგლებში, იქიდან შეიძლება მოინახოს რარაც თანხები, რომლებიც მოხმარდება ამ ბავშვებს. და მეორე მიზანი ამ ჩემი გადაწვეტილების, რომ მიმემართა ევროკავშირის ელჩისთვის იყო ის, რომ შეიძლება ხელისუფლებას შერცხვეს, რომ ჩვენ უცხოელებს მივმართავთ და ჩვენ პარტნიორებისგან ველოდებით დახმარებას.
ჩვენ ვხედავთ როგორ იხარჯება მილიონები, მაგალითად კონცერტებზე. სწორედ ბიუჯეტიდან იხარჯება და თურმე ვერ მოინახა დღემდე ეს მილიონები, რომელიც საჭიროა დიუშენსი ბავშვებისთვის", - განაცხადა სალომე ზურაბიშვილმა.
ცნობისთვის, დიუშენის კუნთოვანი დისტროფიით დაავადებული ბავშვების მშობლები უკვე რამდენიმე დღეა თბილისში, კანცელარიასთან უწყვეტ აქციას მართავენ და შვილებისთვსი წამალს ითხოვენ.
საქართველოში დიუშენის კუნთოვანი დისტროფიის დიაგნოზით 100-მდე ბავშვია აღრიცხული. ეს გენეტიკური დაავადებაა, რომელიც ადრეულ ასაკში კუნთების დასუსტებას და ფატალურ შედეგს იწვევს. მშობლები ერთი წელია ქვეყანაში ამ მომაკვდინებელი დაავადების სამკურნალო პრეპარატის შემოტანას უშედეგოდ ითხოვენ.
