ევროსაბჭოში დებატების დროს, საპარლამენტო ასამბელის ერთ-ერთმა დეპუტატმა, ედიტე ესტრელამ შინაგან საქმეთა სამინისტროს დაქვემდებარებაში სიძულვილის ენის წინააღმდეგ ახლადშექმნილ სამმართველოზე ისაუბრა. 

მისი თქმით, სპეციალური დანაყოფის მთავარი მიზანი მმართველი უმრავლესობის მიმართ ნებისმიერი კრიტიკის ჩახშობა იქნება.

ასამბლეის არც ერთი რეკომენდაცია არ შესრულებულა.

საქართველოში დემოკრატიის უწყვეტი რღვევა და ასამბლეის რეკომენდაციებზე ხელისუფლების მხრიდან რეაგირების არარსებობა, რომლებიც ამ ვითარების გამოსასწორებლად იყო გამიზნული, სერიოზულ ეჭვებს აჩენს, რამდენად აქვს ხელისუფლებას ნება რომ შეასრულოს საქართველოს როგორც წევრი სახელმწიფოს ვალდებულებები.

თუ განვითარება ასე გაგრძელდება, ისინი ფაქტობრივად საქართველოში ერთპარტიულ სისტემას დააფუძნებენ, რაც მიუღებელია და შეუთავსებელია ევროპის საბჭოს წევრობასთან.

გამოხატვისა და შეკრების თავისუფლების წინააღმდეგ დაუნდობელი ზეწოლა გრძელდება, მათ შორის რეპრესიული კანონმდებლობისა და პოლიტიკურად მოტივირებული სამართლებრივი დევნის გამოყენებით სამოქალაქო საზოგადოების, დამოუკიდებელი მედიის, ოპოზიციური ჯგუფებისა და ცალკეული მომიტინგეების წინააღმდეგ. ეს ქმედებები უნდა შეწყდეს და რეპრესიული კანონმდებლობა უნდა გაუქმდეს.

შინაგან საქმეთა მინისტრმა ახლახან შექმნა სიძულვილის ენის წინააღმდეგ ბრძოლის სპეციალური დანაყოფი, თუმცა მისი მთავარი მიზანი მმართველი უმრავლესობის მიმართ ნებისმიერი კრიტიკის ჩახშობა იქნება.

პოლიტიკურად მოტივირებული სისხლისსამართლებრივი დევნები, რომელთა ერთადერთი მიზანი განსხვავებული აზრის ჩახშობაა შეუთავსებელია წევრი ქვეყნის ვალდებულებებთან.

რეპრესიების, ასევე საქართველოში არსებული უკიდურესი პოლარიზაციის ფონზე, იძულებული ვართ დავასკვნათ, რომ ქვეყანაში ჭეშმარიტად დემოკრატიული არჩევნების ჩასატარებლად აუცილებელი პირობები აღარ არსებობს," - განაცხადა დეპუტატმა. 

ამის შესახებ დეპუტატმა კენჭისყრამდე ევროსაბჭოში დებატების დროს განაცხადა.