სპეციალურ პენიტენციურ სამსახურში ელენე ხოშტარიას ექიმები მივიდნენ
სპეციალურ პენიტენციურ სამსახურში ელენე ხოშტარიას ექიმები მაკა იოსელიანი და ანი ქავთარაძე მივიდნენ. არცერთ მათგანს უწყებაში შესვლამდე კომენტარი არ გაუკეთებია.
ცნობილია, რომ მედიკოსები პენიტენციური სამსახურის ხელმძღვანელს, გიორგი პატარიძეს შეხვდებიან, დღესვე უნდა გაირკვეს, გადაიყვანენ თუ არა "დროას" დაპატიმრებულ ლიდრს სამოქალაქო კლინიკაში.
ვიდრე ექიმები სპეციალურ პენიტენციურ სამსახურში მოვიდოდნენ რუსთავის N5 პენიტენციურ დაწესებულებაში, მსჯავრდებულ ელენე ხოშტარიას შეხვდნენ. ქალთა ციხეში იმყოფებოდა ადვოაკტი შოთა თუთბერიძეც.
სპეციალური პენიტენციური სამსახურის შენობასთან იმყოფებიან ოპოზიციონერი პოლიტიკისები და ელენე ხოშტარიას მხარდამჭერები. ისინი პოლიტიკოსის კლინიკაში გადაყვანას და შესაბამისი მკურნალობის ჩატარებას ითხოვენ. პერიმეტრზე განათავსეს პოლიციელებიც.
ფოტო: ipn.ge
მსგავსი სიახლეები
საია: პატიმრის დატოვება ისეთ პირობებში, სადაც მას ძლიერი ფიზიკური ტკივილი და სხეულის ფუნქციების შეუქცევადი დაზიანება ემუქრება, უთანაბრდება არაადამიანურ და დამამცირებელ მოპყრობას
საია აცხადებს, რომ ელენე ხოშტარია პოლიტიკური პატიმარია და მიიჩნევს, რომ მის მიმართ მართლმსაჯულების ინსტრუმენტები პოლიტიკური ანგარიშსწორების მიზნით იქნა გამოყენებული
