"პირველების" რედაქციას დაუკავშირდა ემიგრანტი, რომელიც სასამართლომ რამდენიმე დღის წინ, საგარეო საქმეთა მინისტრის, მაკა ბოჭორიშვილის შესახებ დაწერილი Facebook სტატუსის გამო 2 500 ლარით დააჯარიმეს. 

კაცი ამბობს, რომ თავს იკავებს იდენთიფიცირებისგან, რადგან შიშობს, რომ შესაძლოა, პრობლემები შეექმნას. 

"პირველების" რესპოდენტის თქმით, უცხოეთში ოჯახთან ერთად წასვლა, მძიმე ეკონომიკური პირობებისა და შვილების ჯანმრთელობის გამო მოუწია, ახლა კი ჯარიმა, რომელიც ქართულმა სასამართლომ დააკისრა, მისთვის დამატებითი წნეხია.

ჯარიმის გადახდას ვერ ვახერხებ, ვიმყოფები ემიგრაციაში, მყავს ორი მცირეწლოვანი ბავშვი, რომლებიც გენეტიკურად დაავადებულები არიან. 

მოვდიოდი საავადმყოფოდან, სადაც გავიგე, რომ ბავშვს დამატებითი ოპერაცია უკეთდებოდა, გაბრაზებულმა, განერვიულებულმა დავწერე კომენტარი პოსტზე, სადაც მაკა ბოჭორიშვილი საუბრობდა. ვთვლი, რომ ეს [ბოჭორიშვილის] კომენტარი საქართველოს წინააღმდეგ იყო"- აცხადებს ემიგრანტი. 

კაცი არ უარყოფს, რომ ბოჭორიშვილის მისამართით გამოიყენე მიხეილ ყაველაშვილის მიერ საკანონმდებლო ორგანოში გაკეთებული ცნობილი ფრაზა. ასევე ახსენა დიტო სამხარაძე, რომელიც წინა მოწვევის პარლამენტში, გინების გამო აერაერთხელ გამხდარა კრტიკის ობიექტი. ემიგრანტის თქმით, იმავე სტატუსში გაიხსენა კალაძის ცნობილი ფრაზა, რომელიც "მთაწმინდიდან გამოქანებას" შეეხება. 

იმის ნაცვლად, რომ ჩემი სახელმწიფო გვერდით მედგეს, პირიქით, ისეთ მდგომარეობაში ჩამაგდეს,  რომ "იაშვილის კლინიკიდან" ბავშვი, ლამის მკვდარი წამოვიყვანე. დღემდე ბრძოლაში ვარ, საქართველოში დაბრუნების შემთხვევაში კი ჩვენს ქვეყანაში საჭირო მედიკამენტი არ არსებობს. არ არსებობს მკურნალობის მეთოდიც. ბევრჯერ ვთხოვე სახელმწიფოს დახმარება, მაგრამ უშედეგოდ"- აღნიშნავს ემიგრანტი.