"ხალხის მტრებს თითსაც მივაჭერ და სხვა რამესაც" - ალუდა ღუდუშაური
"ტექნიკური შეცდომით" ხსნის "ქართული ოცნების" დეპუტატი, 15 კოლეგასთან ერთად გიორგი გახარიას პარტიის მიერ მომხზადებულ კანონპროექტზე ხმის მიცემის ფაქტს.
დეპუტატმა იმ ადამიანებს, რომლებიც უჩვეულო ფაქტს ბოლო რამდენიმე საათია აქტიურად განიხილავენ "ამჩადებულებიც" კი უწოდა.
სანამ საკითხი კენჭისყრაზე გამოვიდოდა, ჩემი მკაფიო პოზიცია ნახეთ. კენჭისყრისას, წამის მეასედში მოხდა ეს ტექნიკური შეცდომა და ამის შემდეგ დარბიან - ასეთი ამჩატებული, ამსუბუქებული, რამ გადარია ეს ხალხი? რა უბედურებაა? მართლაც გულდასაწყვეტია, რომ ოპონენტებს ამ ტექნიკური საკითხის გარდა დღის წესრიგში სხვა ვერაფერი შემოაქვთ. გამოდის, რომ ყველაფერი კარგად ყოფილა, რაც ჩემთვის სამწუხარო მოცემულობაა, რადგან ქვეყანაში ჯანსაღი ოპონირება უნდა იყოს". - განაცხადა ალუდა ღუდუშაურმა.
კითხვაზე, მიაჭირა თუ არა ხელი მწვანე ღილაკს, რითაც კანონპროექტზე მხარდაჭერა დააფიქსირა, ღუდუშაურმა უპასუხა: "ამ ქვეყნის ხალხის მტრებს თითსაც მივაჭერ და სხვა რამესაც".
"ქართული ოცნების" რამდენიმე დეპუტატმა, მათ შორის, ირაკლი კირცხალიამ, თეა წულუკიანმა, ალუდა ღუდუშაურმა და სხვებმა კენჭისყრისას მხარი დაუჭირეს "გახარია საქართველოსთვის" კანონპროექტს, რომელიც რეპრესიული კანონების გაუქმებას ითხოვდა.
ქართულმა ოცნებამ კანონის მხარდაჭერა დღეს "ტექნიკური ხარვეზით ახსნა".
