5 პოლიტიკური პარტიის აკრძალვის საქმის განხილვა საკონსტიტუციო სასამართლოში  10 ნოემბერს, 12 საათზე განახლდება.

სხდომები ასევე გაგრძელდება 11, 12, 13 ნოემბერს 11:00 საათზე.

საქმის არსებითი განხილვა დღეს, 9 ნოემბერს უნდა განახლებულიყო, თუმცა საკონსტიტუციო სასამართლომ ინფორმაცია გაავრცელა, რომ  სხდომა ერთ-ერთი მოსამართლის ჯანმრთელობის მდგომარეობის გამო გადაიდო.

„ქართული ოცნების“ საკონსტიტუციო სარჩელის განხილვა საკონსტიტუციო სასამართლოში 21 ოქტომბერს დაიწყო და ამ დრომდე 8 სხდომის ჩატარება მოესწრო.

საკონსტიტუციო სასამართლოში წარდგენილ სარჩელს პარლამენტის 88 წევრი აწერს ხელს. მათი სარჩელის საფუძველზე სასამართლოს დღის წესრიგში შემდეგი პოლიტიკური გაერთიანებების არაკონსტიტუციურად ცნობის საკითხი დგას: - “ერთიანობა − ნაციონალური მოძრაობა“; “კოალიცია ცვლილებისთვის - გვარამია მელია გირჩი დროა“; “ძლიერი საქართველო − ლელო, ხალხისთვის, თავისუფლებისთვის!“, “ფედერალისტური პარტია“ და პარტია “გახარია საქართველოსთვის“.