ბელარუსის ოპოზიციის ლიდერის, სვეტლანა ტიხანოვსკაიას განცხადებით, დუბლინში, ევროპული პოლიტიკური გაერთიანების სამიტის ფარგლებში ირაკლი კობახიძესა და მაკა ბოჭორიშვილს ესაუბრა. ამის შესახებ ტიხანოვსკაია x-ზე წერს. 

მისი თქმით, საუბრისას ყურადღება გაამახვილა "იმ სირთულეებზე, რომლებსაც საქართველოში მცხოვრები ბელარუსები დოკუმენტების, ბინადრობის ნებართვებისა და სამართლებრივი სტატუსის მოპოვებისას აწყდებიან".

„მოვუწოდე იმ ბელარუსების უფლებების დაცვისკენ, რომლებიც პოლიტიკურ დევნას ემიგრაციაშიც კი განიცდიან”, - დაწერა ტიხანოვსკაიამ და x-ზე საუბრის ამსახველი ფოტოები გაავრცელა.