საკონსტიტუციომ „ნაციონალური მოძრაობის“ შუამდგომლობა არ დააკმაყოფილა

17.11.26 15:20
საკონსტიტუციომ „ნაციონალური მოძრაობის“ შუამდგომლობა არ დააკმაყოფილა

საკონსტიტუციო სასამართლოს პლენუმმა „ნაციონალური მოძრაობის“ შუამდგომლობა არ დააკმაყოფილა - ენმ ითხოვდა სასამართლომ შუალედური გადაწყვეტილებით ან განმარტებით დაედგინა ის სტანდარტები, რომლითაც ოპოზიციურმა პარტიებმა თავი უნდა დაიცვან.

კერძოდ, „ნაციონალური მოძრაობა“ შუამდგომლობით ითხოვდა, საკონსტიტუციო სასამართლომ მიიღოს განჩინება ან გასცეს წერილობითი განმარტება, რომლითაც პოლიტიკური პარტიების აკრძალვის საქმეში განსაზღვრავს:


„აქ დარბაზში ვსაუბრობთ ბევრ ისეთ საკითხზე, რომელიც არის შეფასებითი და ხშირად, როგორც წესი, გაუგებარია, რა შემხებლობაშია ესა თუ ის კითხვა პარტიის აკრძალვის კონსტიტუციურ სტანდარტთან. მნიშვნელოვანია დადგინდეს, რის საფუძველზე ვმსჯელობთ, რა არის ის სტანდარტი, რომლითაც უნდა ვიხელმძღვანელოთ“, — განაცხადა ზაზა ბიბილაშვილმა. 

პლენუმმა შუამდგომლობა არ კმაყოფილდება. 

„მხარე პრაქტიკულად ასაჩივრებს იმ განჩინებებს, რაც ადრე იქნა გამოტანილი პლენუმის მიერ მოცემულ საქმეზე. ეს განჩინებები გადახედვას არ ექვემდებარება. ერთგვარად იკითხება ის, რომ მხარეს სურს, წინასწარ უთხრას სასამართლომ, რა მტკიცებულებებს რისთვის გამოიყენებს  - სარჩელის დაკმაყოფილების თუ დაუკმაყოფილებლობის კუთხით. ეს არის წარმოუდგენელი. ასეთი ტიპის სტანდარტები უნდა განისაზღვროს სასამართლოს გადაწყვეტილებით და არა შუალედური განჩინებებით. სასამართლო დაეყრდნობა ცხად და დამაჯერებელ მტკიცებულებებს და რა იქნება ეს, შეაფასებს გადაწყვეტილებაში“, — განაცხადა სხდომის თავმჯდომარე რევაზ ნადარაიამ.

მსგავსი სიახლეები