რუსთაველის გამზირზე დაგეგმილი აქციის პარალელურად სპეცრაზმისა და საპოლიციო ძალების მობილიზება დაიწყო. პარლამენტისა და კანცელარიის შენობების შიდა პერიმეტრებზე ყვითელი ავტობუსები შეიყვანეს.  

მიხეილ სააკაშვილის გათავისუფლების მოთხოვნით საპროტესტო აქცია რუსთაველის გამზირზე 18:00 საათზე დაიწყება.  აქცია "ნაციონალური მოძრაობის" მიერაა ორგანიზებული და მას სხვა ოპოზიციური პარტიები და მათი მხარდამჭერებიც შეუერთდებიან. რეგიონებიდან უკვე დაიძრა კოლონები.  ხალხი აქციაზე დასაწრებად მოემართება  აჭარიდან, სამეგრელოდან, იმერეთიდან და შიდა ქართლიდან.