რუსეთის მოქალაქეებისთვის სავიზო რეჟიმის შემოღების მოთხოვნას ტურიზმის სექტორიც უერთდება.  საქართველოს ტურიზმის ინდუსტრიის ალიანსი პარლამენტის თავმჯდომარის სახელზე ღია მიმართვას ავრცელებს. 

ჩვენ, როგორც სიტყვით, ასევე, საქმით გვერდზე უდგავართ ამ მამაც ერს. რუსეთის მიერ წარმოებული ომი მიმართულია არა მხოლოდ უკრაინის წინააღმდეგ, არამედ საფრთხეს უქმნის სრულიად მსოფლიოს მშვიდობასა და უსაფრთხოებას, განსაკუთრებით მის სამეზობლოს, რომლის ნაწილიც მას ოკუპირებული აქვს.

გარდა უკრაინის ომისა და რუსეთის იზოლაციისა (საერთაშორისო ცივილიზებული ერების მიერ), შეიქმნა ახალი გარემოება და ამავე დროს საშიშროება რუსეთის უშუალო მეზობლებისთვის, კერძოდ, ჩვენი ქვეყნისთვის.

საერთაშორისო ეკონომიკისგან რუსეთის იზოლაციამ გამოიწვია ადგილობრივი მოსახლეობის მიგრაცია. ისინი ცდილობენ გაექცნენ ქვეყანაში არსებულ მდგომარეობას. შესაბამისად, საქართველო დიდი გამოწვევის წინაშე დადგა, რამეთუ რუსეთიდან მიგრირებული ძირითადი ნაკადი ჩვენი ქვეყნისკენ მოემართება. 

 ტურიზმის ინდუსტრიის წარმომადგენლები მოვითხოვთ მოკლევადიანი სავიზო რეჟიმის შემოღებას, რათა სახელმწიფოს გაუჩნდეს ბერკეტი, აკონტროლოს შემომსვლელ პირთა არა მხოლოდ რაოდენობა, არამედ ამ პირთა მიერ პოტენციური რისკების შეფასება.

კერძოდ, ინტენსიურად ქართული საბანკო სექტორიდან ვალუტის ამოღება გამოიწვევს ვალუტის დეფიციტს ქვეყანაში. ისედაც ძლიერი დამოკიდებულება რუსეთიდან არსებულ ექსპორტზე ძალიან ცუდად იმოქმედებს ქვეყნის განვითარებაზე. მიღებული გადაწყვეტილება დაეხმარება ტურიზმის სექტორის წარმომადგენლებს (სასტუმროებს, ტუროპერატორებს, გიდებს, სატრანსპორტო კომპანიებს), განსაზღვრონ შემოსული ნაკადების მომსახურების ფაქტორი“, – წერია ერთობლივ განცხადებაში.

წერილის ხელმომწერები რუსეთიდან ტურისტების ნაკადის კონტროლს მოითხოვენ. 

საქართველოში რუსი ტურისტების შემოდინება ვფიქრობ, რომ არ არის კონტროლირებადი და ეს მოითხოვს, რომ რაღაცნაირად გახდეს კონტროლირებადი. ჩვენი ერთ-ერთი მოთხოვნა არის მცირევადიანი სავიზო რეჟიმის შემოღება ", - ამბობს გასტრონომიული ტურიზმის ბიზნეს ასოციაციის თავმჯდომარე  თამარ სიხარულიძე.

შეგახსენებთ, რომ რუსეთის მიერ უკრაინაში შეჭრის შემდეგ რუსეთის მოქალაქეების ნაკადი საქართველოს მიმართულებით არ წყდება.

რუსეთის მოქალაქეები საქართველოში ბიზნესებს არეგისტრირებენ.