ძალიან დიდი ისტორიული ამბავი მოხდა - საქართველოს მესამე პრეზიდენტი ჰააგის სასამართლოს გადაწყვეტილებას ეხმიანება, რომელმაც 2008 წლის აგვისტოს ომში ჩადენილ სამხედრო დანაშაულებში რუსული მხარე დაადანაშაულა.

მიხეილ სააკაშვილი სოციალურ ქსელში წერს, რომ ჰააგის სასამართლოს გადაწყვეტილება მასაც შეეხო და მოხდა მისი სრული რეაბილიტაცია.

ჰააგის სისხლის სამართლის საერთაშორისო სასამართლომ ბოლომდე გაგვამართლა - "ქართული მხარე ახორციელებდა თავდაცვას და მოქმედებდა ომის ყველა წესის დაცვით". მან სამხედრო დანაშაულში რუსული მხარე ამხილა, გენერალ ბორისოვზე, რომელიც უკვე გარდაცვლილია და ასევე სამ ეთნიკურად ოს რუსეთის მოქალაქეზე, დაპატიმრების ორდერი გასცა. 
წულუკიანმა, ივანიშვილის დავალებით, ყველაფერი გააკეთა რომ მე დავედანაშაულებინე და არაფერი გამოუვიდა. 
ეს სიმართლის ისტორიული გამარჯვებაა. ჩვენი ტერიტორიული მთლიანობის აღდგენის მყარი გარანტია. ეს არის ჩემი მთლიანად გამართლება. 
და ბოლოს, მინდა მივმართო ყველა ქართველს - სადამდე უნდა ითმინოთ, რომ ამხელა გამარჯვების ავტორი ჩემი სახით, ახლა ქართულ ციხეში იჯდეს. და ვინც ამას ითმენს, თუნდაც დღევანდელი დღის შემდეგ, არ შერცხვება?!  
ჩემის მხრივ, უზომოდ ამაყი ვარ ჩვენი ქართული ჯარით, რომელმაც უმაღლესი კლასი აჩვენა არამხოლოდ ბრძოლაში, არამედ ისე იომა, რომ არავის უფლება არ დაურღვევია, რაც ძალიან რთულია ომის დროს. 
"მძინარე ცხინვალის დაბომბვის" აპოლიგეტებს თუ ღვიძავთ ნეტავ? - აღნიშნავს მიხეილ სააკაშვილი.

,,ქართული ოცნების" ნარტივი აგვისტოს ომზე დასრულდა. იმას, რასაც საქართველოს ხელისუფლება 11 წელი ამტკიცებდა და წინა მორბედს ადანაშაულებდა, ჰააგის სასამართლომ ამ ყველაფერს ფარდა ახდა. ისტორიული გადაწყვეტილებით დაგენილია, რომ რუსეთმა საქართველოში ომის დანაშაული ჩაიდინა.