ფრაქცია "ნაციონალური მოძრაობის" თავმჯდომარე ხატია დეკანოიძე მიიჩნევს, რომ პრეზიდენტის მიერ დაანონსებული აქცია საზოგადოების გახლეჩვას გამოიწვევს. ოპოზიციონერი დეპუტატი ამბობს, რომ 16 ივნისის აქციაზე არ მივა. 

16-ის აქცია, მე ვფიქრობ, უფრო გამოიწვევს საზოგადოების დაყოფას, იმიტომ, რომ ერთი აქცია უკვე დააანონსებული იყო. ამ აქციაზე ძალიან ბევრი ადამიანი მივა და აუცილებლად უნდა მივიდეს. მე არ შევუერთდები 16-ის აქციას, მაგრამ ძალიან მნიშნელოვნია გვესმოდეს, რომ ყველაფერი, რაც ახლა საქართველოში საზოგადოებას ან თუნდაც ოპოზიციას ანაწევრებს, ეს არის, რა თქმა უნდა, მიუღებელი, - თქვა დეკანოიძემ. 

შეგახსენებთ, რომ  თავდაპირველად პროევროპული აქცია 20 ივნისს სამოქალაქო აქტივისტებმა დააანონსეს. ამის შემდეგ კი იგივე შინაარსის კიდევ ერთი აქცია პრეზიდენტმა 16 ივნისს დაგეგმა. სალომე ზურაბიშვილი  მოუწოდებს ყველას, აქციას შეუერთდეს.